Aurreko post-ean idatzi dudan bezela, futbola da umeen artean hedatuen dagoen kirola. Nik neuk ere futbolera jokatzen dut Arratiako nesken futbol taldean, Igorren, Arratiako Bailaran. Urdina eta horia dira gure koloreak. Orain denboraldia amaitu berri dago, eta mailaz igotzea lortu dugu.

Kirol hau praktikatzeak eguneroko ekintzetatik deskonektatzen laguntzen dit, eta uste dut umeei ere horrela lagun diezaieketela futbola praktikatzeak. Eskolan egin behar dituzten lan guztietatik deskonektatzeko, eta horrez gain beste umeekin erlazionatzeko, zein bizimodu osasuntsua eramateko ere oso lagungarria izan daiteke futbola.

Egia esan, blog-a egitea ez da nire berezko ideia bat izan. Lehen hezkuntzako 3.mailan gabiltza dagoeneko, eta aurten daukagun irakasgai batetako lana da. Karrerako azken ahalegina egin behar dugu!

Irakasleak lan hau proposatu digu, eta gu, lana, ahalik eta hoberen egiten saiatuko gara. Nik ez dut inoiz blog-ik egin, baina erronka moduan hartuko dut.

Blog-a egiteko orduan gaia aukeratu dut lehenik eta behin, kirola eskolan. Kirolak garrantzia berezia du hezkuntzan, niri pertsonalki garrantzitsua iruditzen zait. Hezkuntzarako hezezik, eguneroko bizitzarako ere beharrezkoa iruditzen zait kirola, eta horrek ere bultzatu nau gai hau aukeratzera. Gai interesgarria iruditzen zait, aukera anitz ematen dituena.

Gehiago luzatu gabe nire blog hau ezagutzera gonbidatzen zaituztet berriz ere.